Bakgrunn for Sauland kraftverk
Utbygging av Hjartdals- og Tuddalsvassdraget starta på 50-talet. Kraftressursane vert i dag nytta i Hjartdøla, Bjordalen og Mydalen kraftverk som vart tekne i bruk i perioden 1958 til 1961. Samla årleg kraftproduksjon er på om lag 480 GWh, tilsvarande årsforbruket til om lag 24.000 husstandar.
Utbyggar vil med dette gjera kjend at det er søkt om konsesjon for å bygga og driva eit nytt kraftverk som gjer seg nytte av vasskrafta i Hjartdøla og Skogsåa. Utbyggingsområdet ligg i Hjartdal kommune. Om lag 2,5 km av Skogsåa grensar mot Notodden kommune.
Sauland kraftverk inneber ei betre utnytting av kraftressursane i eit vassdragsområde som allereie er påverka av kraftutbygging. Verdien av eksisterande reguleringar vil auka monaleg ved ei utbygging av Sauland kraftverk.